美食.邀請

帝苑酒店Buffet.雅苑座The Greenery超值自助餐之夜

星期三, 9月 10, 2014,0 Comments

由細到大,一提起自助餐,我都會超級雀躍,因為這必定是一家大細親友共聚的歡樂時光。

若要數全城十大的熱門自助餐,我相信尖東帝苑酒店的雅苑座(The Greenery)絕對能佔得一席位,無論食物的款式及水準,還是環境,都令我稱心滿意。

       
(以下為口語時間,因為一講到自助餐,就會好興奮XDD)

自助餐時間由六點半開始,可以一直食到十點左右,時間好理想,可以慢慢戰鬥。

當日晚上七點左右到達,現場幾乎已坐滿人,相當旺場,所以要食記得要預早一星期訂位。



雅苑座久唔久會推出唔同主題的自助餐,這次是以「環球海鮮自助餐」為主題。繞場一周巡視過後,我決定先由海鮮區入手。海鮮吧種類的選擇都幾多,除左多款日式刺身之外,龍蝦仔、蟹腳、凍蟹、貝類等亦都好豐富。

單單係呢個區域,食返價值200蚊的食物絕對無難度。(師奶計數模式啟動XDD)




但講到當日海鮮之王,必屬呢隻清蒸大連鮑魚,又大又鮮甜,可惜每位只得一隻,如果多幾隻,要回本真係話咁易。但一隻都唔錯,少食多滋味。(呢隻點睇都值幾十蚊XDD)



另一個我推薦的回本美味區,就係即煮海鮮區,選好自己喜歡的海鮮,即叫即烚,仲可以揀湯底(清湯或麻辣)。




海鮮唔太飽肚,食一大碗毫無難道,而且食料新鮮,簡單烚下已經好好味。(點睇呢碗都價值過百XDD)



每次食自助餐,我都非常睇重芝士盤,因為我係一個不折不扣的芝士狂魔。今次呢度有4款芝士,我當然唔會錯過。




跟住到主食。行左一轉,種類的確多,雖然串燒好吸引,但我向來食量一般,所以要保留戰鬥力,只是略略小嚐。行過燒味部,也只能放棄。(其實有少少想食海南雞,現在奧悔中)




不過面對香煎鴨肝多士,始終忍唔住要encore。但為健康著想,不宜食太多,四件仔就好(加左個仔字,罪惡感當場少左,哈哈)



燒牛仔扒係主食的心水之一,燒得幼嫩,肉味郁香,望到就知好味,推薦。



 老實講,我其實覺得自助餐食壽司真係好蠢,但行過壽司吧,聞到火炙壽司的香味,忽然壽司癮大發,只怪它太好味。

芝士加主食加壽司,我估呢一區食左至少200蚊落肚。




甜品,向來係帝苑酒店的招牌名物之一,所以我的全晚重點,當然會放係甜品區。

大大個甜品櫃入面有十多款蛋糕、芝士餅,賣相精緻的甜品杯更是令人心動。水蜜桃果凍,巨峰提子啫喱、椰子忌廉菠蘿啫喱、TIRAMISU、番石榴檸檬乳酪慕絲、黃梅撻, 榛子脆餅, 白朱古力紅梅慕絲等等等等,都係心頭好。另外仲有馬卡龍、朱古力噴泉、糖水等等,總之甜品區絕對唔會令人失望。

不過呢區超旺,如果大家見到有心水甜品,一定一定要先拎走,否則就會蘇州過後無艇搭。

另外附近仲有雪糕區,HAAGEN DAZS雪糕任食。(我的戰鬥力係甜品區發揮到極緻,我諗起碼食左價值200蚊的甜品落肚XDD)


呢個水蜜桃果凍,絕對必食!



安娜小評:

「環球海鮮自助餐」星期一至四晚餐$528/位;星期五至日和公眾假期前夕及公眾假期晚餐$598/位。

價格唔算平,但我食量唔大都可以輕鬆食到價值超過700蚊的食物落肚,相信對大部份人黎講,要回本無難度。而且食物種類及質量都令人滿意,可以坐三個鐘,現場亦有駐場歌手,氣氛唔錯,會係一個家庭親友聚會的理想地點,值得推薦。




雅苑座The Greenery小資訊

地址:尖沙咀麼地道69號帝苑酒店3樓
電話 : 2733 2030



如果喜歡我們的分享,請 Like 一下我們的 Facebook。

可以了解我們的最新遊蹤及資訊喔^^





You Might Also Like

0 意見: