美食

當湘辣遇上川辣|天澄閣的辛潮中菜

星期四, 11月 29, 2018,0 Comments


「辣辣中菜邊個食?」只要隨便在群組一問,就會有唔少嗜辣之友響應。近年食辣成為香港一股熱潮,坊間出現愈來愈多新穎又有創意辣辣菜式,吸引更多年輕友人加入「辣友」行列。

呢幾日氣溫驟降,最適合約埋三五「辣友」一齊食辣,驅寒之餘又過足辣癮。在馬鞍山天澄閣食飯,正好見到有「辛潮中菜」推廣,想起之前Ben Sir在網上介紹辛辣的短片,一於決定試試呢三道辣菜:「酸辣香橙骨」、「噴香八味鮮辣蟹」、「鮮辣紅湯炆鍋」。



最先上桌的是擺盤精緻的「酸辣香橙骨」。這道變奏版的香橙骨功夫紮實,炒得皮脆肉嫩、醬汁富有濃濃鮮橙香。唔好畀佢外表呃到以為唔辣,嚐到酸甜滋味後,一股辛辣慢慢湧上來,清新中帶點刺激,很適合用來當做開胃前菜。



嗜蟹之人一定會為「噴香八味鮮辣蟹」著迷,何況安娜還是川菜粉絲,特別愛吃麻辣。呢道菜結合湘辣與川辣的精粹,用花椒、乾辣椒、乾紅甜椒、羊角椒4種辣椒,共8種複合辛味炮製而成,重量級的炒蟹佔了鍋子的大半,新鮮、飽滿又彈牙的啖啖蟹肉令人十分滿足,辣香樸鼻而至,香、鮮、甜、麻、辣等多種層次的味道令我食到停唔到口。




「鮮辣紅湯炆鍋」即是 Ben Sir 分享過的「無水火鍋」,是近年興起的一種健康煮食方法。原理是利用鑄鐵鍋或砂鍋,以半蒸半煮的方式慢煮食材。

而這個炆鍋的材料包括了大蝦、雞肉、粟米、南瓜、腐竹、紅蘿蔔、菇類等等。當中的紅湯味道鮮甜而不油膩,微微的辛辣能夠突出食材的味道。無論是帶膏的大蝦、鮮雞件,抑或是吸收了湯汁的蔬菜,都非常好味。


這幾款「辛潮」中菜夠創新,辣中帶香,口感層次豐富,食得過癮滿足。




天澄閣

地址:馬鞍山鞍駿街29號海澄軒海景酒店
電話:21212298

You Might Also Like

0 意見: