中國

世博場館預約攻略

星期一, 8月 09, 2010,0 Comments

暢遊世博,必須善用場館預約,雖然可以預約的館唔多,但總好過無,以下我會同大家分享一下我所知的入館方法。


入中國館的方法

1.預約券

每日9點開門時,各個入閘口都會有保安派發預約券,一般十分鐘左右就會派完。如果早上七點半左右到達門口排隊,多數都可以拎到。我第一日早上七點半左右去到,結果成功拎到;第二日八點去到,入閘後已經無,所以想入中國館,唔懶得。 

2.收集印章

如果你真係拎唔到預約券,仲有另一個方法。係城市最佳實踐區的北部問詢處可以領取一份《城市名片冊》,但每日只會提供1000份左右,送完為止。呢本野有乜野用呢?就係收集印章。15個城市案例世博紀念章加一個最佳實踐區總章,可換取1張中國館或者沙特館參觀券。
集章要求:
(1)必須包含5個實物案例印章 
2)必須含7個亞洲城市案例印章,7個歐洲城市案例印章,1個美洲或非洲城市案例印章 
(3)總章數唔可以少過15個,而且唔可以重覆 。


每天可兌換的中國館的參觀券總數為900~1000張,而沙特館則是每週500張,視情況分攤在每天的發券量中。 要集齊呢十五個印仔,其實只需要用兩至三個鐘時間,唔太難,只要係中午參觀案例館時順手就可以,不過每日所派的《城市名片冊》都印有當日的日期,所以一拎 到,只限當日使用。


入西班牙館的快速方法

唔想排長龍,一定要用以下呢個方法,而且唔限日期,你今日收集完,明天或後天用都仲得,好方便。入世博後,買本世博護照,係護照37頁蓋3個西班牙城市案例館世博紀念章,就可以使用快速通道入西班牙國家館一次。呢三個案例城市分別係:馬德里、巴賽羅那、畢爾巴鄂。 



入芬蘭館的快速方法

芬蘭館可以用手機預約,我食午飯時就預約到當日下午四點入場,唔使排隊,只係要俾一蚊短訊費,好方便。 以下為大家介紹預約步驟。

1.查詢預約券數量:用戶編輯85401+查詢的時間段,發送到1066666620。
(如:如查詢當天9:30AM的入場券數量,可編輯854010930 )
2.獲取入場券:按照資訊提示回復資訊編輯“01+開始時間”
(如:要獲得9:30AM的入場券,請直接編輯010930)
3.使用入場券:如申請成功,則可收到一條彩信(如果手機不支援彩信功能則收不到)和一條普通短信。彩信和短信只認其一,不可重複使用。一個手機每天可預約三次。
4.每條短信需收費1元。


入主題館的快速方法

入閘機附近都會有主題館預約機,每張票每日可預約一個主題館。我第一日係九點幾預約左一次,因為路過順手用一下,但有兩日過左十點後,都見到預約機已經關機,所以個人估計預約飛派完就無。雖然主題館唔算多人排,有時甚至唔使排,但行過路過唔好錯過,因為這幾個館都唔錯,好多野睇,當中以未來館、人館、生命館較為多人。


場館派飛篇

臺灣館:早上9點半在館前派3000張預約券,下午6點派1000張,全日共4000張,派完為止,不接受排隊。

氣象館:上午9點半和下午1點半,在氣象館門前派發預約券2500張。

文化中心:憑世博門票領取演出入場券,入場券每天早上九點半在文化中心門口派,派完為止。

氣象館:上午9點半和下午1點半,在氣象館門前派發預約券2500張。


網上預約方法

聽說國家電網館可以網上預約,不過我未試過,因為對呢個館無太大興趣,如果大家有興趣,就去呢個網試下啦:www.magicbox2010.com



P.S. 以上資料由ANNA犧牲了專心下午茶的時間打出來,歡迎轉載,但請註明出處喔,謝謝。

You Might Also Like

0 意見: