羽音之泉
終於入場，晚上的清水寺別有一番風味。
清水寺賞夜櫻 (Day 1)
每年春櫻及秋葉期，清水寺均會在某個時段進行夜間開放。
4月12日是清水寺夜間開放的最後一天，剛好趕上這次的參拜，可以一賞夜櫻。
由機場匆匆趕到京都，在民宿放好行李便立即動身。
晚上的清水寺依然人頭湧湧，還未進場已經看到寺內一簇簇的櫻花在射燈下怒放。
由於人流激多，想影一張無人在內的相可謂超級困難，加上手震，影出的相片效果普普，比起現場所見，震撼性大減。
終於入場，晚上的清水寺別有一番風味。
未知是否節慶，還是附近的居民為歡送最後一天的夜櫻，所以現場除了有特別參拜之外，在本堂內還有民歌表演，氣氛極之歡欣。
而羽音之泉在夜間繼續可供遊人飲用，記得兩年前去，我飲左中間的泉水，所以今次飲最右的，下次再去，就會輪到最左的，咁就可以集齊三個願望，呵呵。
離開清水寺前，在寺內的茶寮稍作歇息（因為還未食晚飯，個肚打鼓，再加上茶寮氣氛超好，所以好想好想坐坐），點了紅豆湯及黑蜜甜品，能量值稍為回升。
後記（晚飯篇）：
在清水寺附近行左一陣，原本打算搵間食肆食飯，可惜已經係當地時間晚上9點半，果邊的食肆基本上打烊（好肚餓呀><）
由於同伴對食物有所堅持，例如：誓死唔食麥噹噹，幾經辛苦終於係民宿附近搵到一間日式食店，終於可以食晚飯喇～萬歲！
到日本正式的第一餐，有雜錦壽司、鴨煲、同豆腐蛋卷。
