戶井北海道米比薩
p.s.是日睇的戲為「收錯愛情風」，心得與感想篇，仍堆積在草稿夾，或者好快會公開，又或者永遠地胎死腹中。
唔失望的法門
這篇是關於飲飲食食，單看標題似乎會覺得大纜都扯唔埋，不過人生道理其實無處不在，這一點，身為人類的你我必須要認同。似乎扯得有點遠，立即進入主題。
是日與好姊妹 Christina有約，由於時間緊迫，所以只夠時間食餐飯睇場戲。好耐之前，曾因某雜誌將一間銅鑼灣的新食店介紹得天花龍鳳，所以大家約定只要達成某件事，就去呢間被吹捧的餐廳試食Rice Pizza以作慶祝。
約定之日的前一晚，兩人不約而同到Openrice睇食評，唔睇還好，一睇就對呢間店失去信心，因為十個評論當中，佔左八個係負分，唔單止食物、坐位，就連侍應態度都被評得體無完膚，怕且呢間店好快會成為消失的食店。
大家猶豫了一下，交換意見後，決定按照當初的約定前往呢間名叫戶井北海道米比薩(Toi Hokkaido Rice Pizza)的店，不過當然做好心理準備，唔會太有期望。
好奇怪吧？明明無期望，但又要去。無辦法，重視約定是我們的天性，義無反顧地遵守承諾，亦是我們最熱愛的事情，雖然有點盲目。
抱著應約及辜且一試的心態去到這裡，點了一個吞拿魚米pizza、一口牛肉、同三文魚燒餅，唔算太難食，而且坐位、環境及侍應的表現，都合格，雖然唔算係高水準之作，但試試無妨，都幾得意。
一開始無太大期望，反而會得到正面效果，人生，也許一樣，愈以為事事都在掌控之中、對人/事抱過高的期望，大部分時間都只會落得失望收場，如果想避免失望，不妨試試保持隨遇而安的心境，如此一來，便能也無風雨也無情。
p.s.是日睇的戲為「收錯愛情風」，心得與感想篇，仍堆積在草稿夾，或者好快會公開，又或者永遠地胎死腹中。
