水亮貼薄粉底液

透、貼、薄!MISSHA Ultimate Radiance全新底妝體驗

星期四, 12月 13, 2012,0 Comments



輕輕化一個底裝,再加少少胭脂,只要3分鐘就可以出門。

聽落好似好求其,但基本上已經係我平日的標準妝容,LESS IS MORE,對我來說,只要似有還無地改善膚色,令自己望落氣息好就足夠。

不過唔好以為以上步驟簡單,就可以輕率,因為愈簡單,愈考妝品的功效,要達到透、貼、薄,唔止要保濕成分充足,而遮暇度唔需要太高,剛剛好隱藏毛孔,並提昇肌膚光感度便夠。

雖然聽落都覺得麻煩,但只要找對產品,就可以一勞永逸。以下,就同大家分享近日的底妝體驗。

呢個星期,我都在試用MISSHA 新出的Ultimate Radiance光影系列,粉底液加明彩筆。其實我一直都有用開其他牌子的同類產品,而且都好滿意,不過用過MISSHA呢套產品後,的確無辦法唔貪新忘舊,因為實在好好用。

首先睇下MISSHA Ultimate Radiance系列的包裝,好閃!




話明係粉底液,但點解個樣咁似粉餅呢?研究左一陣,我先發現原來粉底液係按壓式設計。




只要輕輕一按,粉底液就會流出。




雙面設計的粉撲有唔同功能,不過我一般唔會點注意,我承認我係求其友,哈哈。




塗上手,對比很明顯。使用後膚色更光亮,其中中間處的白光是燈光反射,並不是不均勻,總括來說就是透、貼、薄,而且還有SPF 30 / PA++ 防曬系數。




其實之前我用開BENEFIT的粉底,但比試之下,MISSHA已成為新寵(笑)




接下來,到明彩筆的介紹了。




設計不過不失,比起粉底液的華麗,明彩筆便顯得有點平實。




其實我一向愛用YSL的明彩筆,因為實在太方便了,按一下,再輕輕一掃,黑眼圈88。

而MISSHA明彩筆的設計同YSL差唔多,各有千秋,外觀上打成平手。




試用喇,不過由於新品開封,一下唔小心按得太多 @@ 好彩好易推開




兩枝明彩筆雖然色調唔同,但拍埋一比,明顯見到MISSHA的水感充足,潤澤度高。唔使我講,都知道我點解呢個星期都愛用MISSHA Ultimate Radiance呢兩款底妝啦。




產品資訊:
MISSHA 柔光明彩筆:HK$219/3g
MISSHA 水亮貼薄粉底液:HK$273/15g


最後,加送一張我的懶懶三分鐘出門LOOK SNAP SHOT,淡淡的也很大方得體嘛(自我感覺良好中)



You Might Also Like

0 意見: