有型有個性的手袋－FX Creations最新女士系列
呢個手袋係唔係好型呢？佢唔單止型，仲好實用。以下，我將會為大家好好介紹一下。而呢一篇，其實係我第一篇有關fashion product的試用文。
某日收到公關公司的邀請，試用由本地品牌FX Creations最新推出的女士系列手袋，講到FX Creations大家可能會有少少陌生，不過如果有行開朗豪坊或者沙田新城市廣場，你一定見過呢個牌子，即係曾經有一期狂推阿童木產品果間店（咁講或者 容易令大家記起佢），不過好老實，其實我之前未入過去。
印象中FX Creations的產品市場好似針對男性，女裝手袋？真係要睇睇。見到PR send來的圖已經喜歡，手袋個款好百搭，而且卡其色好易襯衫，立即答應是次試用。
